Manipur raltlan mi 11,870 an awm

Manipur aṭangin Zo hnahthlakte'n sahimna zawngin Mizoram an rawn pan zel a, nimin tlai dar 5 khan Mizoramah Manipur ráltlân mi 11,870 an awm.

Sorkar chhinchhiah danin, Manipur ráltlânte tan Mizoramah relief camp 35 a awm tawh a, nimin tlaia mi 11,870 awm mek zinga mi 2,930 chu relief camp-ah awmin, mi 8,940 chu relief camp pawn lamah an awm thung.

Manipur ráltlân awm tamna ber Kolasib district-ah mi 4,292 an awm a, Aizawl district-ah mi 3,866 leh Saitual district-ah mi 2,905 an awm.

Champhai district-ah mi 314, Mamit district-ah 143, Khawzawl district-ah 117, Lawngtlai district-ah 71, Lunglei district-ah 69, Serchhip district-ah 61, Siaha district-ah 30 leh Hnahthial district-ah mi 11 an awm bawk.