MCS (CC) Prelims-ah mi 325 tling

Mizoram Public Service Commission (MPSC) chuan Mizoram Civil Services (Combined Competitive) Preliminary Examinations 2023 result nimin khan a tichhuak a, Mains exam hmachhawn turin mi 325 an tling.

MPSC tarlan danin, prelims exam hi June 2, 2023 khan neih a ni a, mi 3,704-in exam an hmachhawn laiin, exam tluantling chu mi 3,659 an ni. Mains exam atana tling mi 325-te chu persond with disabilities (locomotor)-ah mi paruk, PwD (blindness & low vision)-ah mi panga leh unreserved-ah mi 314 an ni.

Kumina post hnawh­­khah zat tur chu unreserved-ah post 30, PwD (blindness & low vision)-ah post pahnih leh PwD (locomotor)-ah post pakhat a ni.