Ráltlân zirlaite dinhmun sawiho

June 20, Thawhlehni khan Higher & Technical Education department, Health department, Mizoram University leh MZP hruaitute'n Manipur buaina vanga zirlai ráltlânte admission chungchang leh Mizoram mi, Manipur-a lehkha zirte leh Manipur-a Zo hnahthlak zirlaite'n Mizorama zirna an chhunzawm theih dan tur an sawiho.

Ṭhutkhawm hi HTE minister Dr R Lalthangliana'n a ho a; Mizoramah Manipur aṭanga râltlán zingah zirlai 600 chuang an awm thu tarlan a ni. Ráltlân zirlaite harsatna tawkte'n a theih chin chinah Mizoramah zirna an chhunzawm theih dan tur dappui ni se, line hrang hranga zirlaite'n an zirna an chhunzawm theih nan a kaihhnawih thuneitute hnenah MZP-in lo thlenpui se, an ti.