Chawngte daia lirthei chesualah mi pakhat a thi

Nimin chawhnu dar 2 vel khan Chawngte leh Rualalung inkar, Chawngte aṭanga km. 3 velah recovery van-in a hmaa tlân LPK truck a su a, kawng thlangah tla ve vein, chetsualna hmunah recovery van handyman Karon Jit (18), Marpara a thi. 

Thu dawn danin, recovery van-ah mi pathum an chuang a, LPK truck-ah mi panga an chuang. LPK truck khalhtu Lalhmangaihzauva a hliam nat deuh avangin Chawngte damdawi-in panpui a ni a, mi dangte erawh chu an hliam na lo thung. Recovery van khalhtu Sadon Bikash Chakma chuan, brake fail vangin LPK truck a su ta mai niin a sawi.