Deputy CM-in lungphùm a phúm

Deputy chief minister Tawnluia chuan nimin khan Chawnpui Sports Centre zauhna sak tur lungphùm a phúm.

Tawnluia chuan, sorkarin Mizo ṭhalai tan theihtawp a chhuah nia sawiin, "Sorkarin ṭhalaite rualawta an awm a hlau hle a, kawng hrang hrangah hmasawnna an neih theih nan hmanrua chhawpsak chu a tum ber a ni," a ti. Chawnpui Sports Centre tihchangtlun turah a enkawlna leh tuaihnûm zelnaah rilru zau tak púa sorkar ṭhahnemngaihpui turin Chawnpui mipui a ngen.

Lungphûm inkhawmah hian Deputy CM hian Saitual leh Hnahthial district-a hman tur bawlhhlawh phur lirthei (garbage truck) pahnih a vailiam a; bialtu MLA Zothantluanga leh AMC corporator Chuauzikpuii ten an ṭawiawm.

Chawnpui Sports Centre zauhna tur hi Spe­cial Assistance to States for Capital Ex­penditure (SASCE) aṭanga hmuh cheng nuai 300 hmanga sak tur a ni a; contractor chu Zothan Consultancy Services, Luangmual niin, kum khat chhunga sak zawh tur a ni.