Mizoram UPC-in hlamzuiha thi vui pangngaiin an vui dawn

Mizoram UPC rorelna sang, Executive Committee hruaitute June 21, Nilaini leh nimina an conference hall, Zonuama ṭhukhawm chuan hlamzuiha thite mitthi vui dan pangngaia vui turin thutlukna an siam.

Mizoram UPC Executive Committee ṭhu­khawm hi executive chairman Upa Lalzirliana'n a kaihruai a; "Kohhran chhungkuaa nausen thi an awmin, a ruang dahna ramin dan an neihna hnuaiah kohhrante'n mitthi vui dan pangngai angin, inah leh phûmna hmunah hun hman ni se," an ti. Nausen thi sâwngbàwl dan an rêl thar hi Mizoram UPC Puithiam Hna inkaihhruaina buah dah an rêl bawk.

Mizoram UPC Executive Committee meeting hian ram leh hnam leh khawtlang tana sorkar leh tlawmngai pawlte hmalakna theih­tawpa ṭawiawm leh Bookroom Board dinte an rêl bawk a ni.