UK-a nurse hna thawh dan inkawhhmuh

Mizoram Youth Commission (MYC) Youth Centre-ah nimin khan United Kingdom-a nurse-te hna thawhna tura kawng inkawhhmuhna hun hman a ni a, MYC chairman Dr Vanlalṭanpuia, MLA-in a hmanpui.

Dr Vanlalṭanpuia chuan, MYC leh Charcos Global thawhhona hnuaiah MOCH aṭangin Mizo nula 10-in UK-a nurse hna thawk turin OET an paltlang tawh thu a sawi a, "Hun rei lo têah UK-ah register nurse hlawh ṭha tak hmuin an thawk dawn. Mizo ṭhalaite tan healthcare service sector-ah thawh theih a tam," a ti.

RN Queen Elizabeth Hospital, London-a thawk mek Maruat Mynett pawhin thu sawiin, UK-a damdawi-in hrang hrangah nurse tan hna ruak a tam thu a sawi a, "UK-a nurse hna hi hna nghet, permanent job a nih avangin pension-te pawh pek vek a ni," a ti a; Mizo ṭhalai UK-a nurse hna thawh tumte tan biak theih reng a nih thu te, a buaipui theih thute a sawi bawk.