MI tlem te hlawkna um kan lui tuiin a tuar - ZPM Thalai

ZPM Ṭhalai chuan thuchhuah siamin, MNF sorkar chu mi tlêmtê hlâwkna aia mipui leh ram leilunga cheng nungchate himna ngai pawimawh hmasa ber ṭhin turin an chah.

Kawng lai hoin leivûng paihna hmun bik an neih loh avangin lui tui leh luia chêng nungchate'n nasa takin an tuar tih tarlangin ZPM Ṭhalai chuan, "Tunah phei chuan mihringin tui thianghlim in tur kan nei mumal tawh lo. Hetiang hi kan buaina a nih laiin leivûng paihna chungchanga sorkarin a tuang a tichhah lui tlat hi pawi a, kawng siamtu contractor/NHIDCL lakah hian MNF sorkara a tithei fate hian hamṭhatna an lo dawng ru ve reng em ni?" an ti.

ZPM ṭhalaite chuan, Mizoram mipuiin an tlan lui hrang hrangte chu a nut lam tehna, Nephelometric Turbidity Unit-ah tihfîm theih chin aia a lêt tam takin a nu hlawm mek tih an tarlang a; kawng laitute'n luia chêng nungchate an tihrêm hmaa hma la thuai turin Mizoram sorkar an phût.

MNF sorkarah ram mipui mai ni lo, luite leh nungchate nen lam a ni tèlin an him lo chho tih sawiin ZPM Ṭhalai chuan, "MNF sorkar hi mi tlêmte hlâwkna aia mipuite leh a ram leilunga cheng nungchate himna ngai pawimawh hmasa ber fo turin kan chah a ni," an ti.