Ruihhlo ti ṭhinte nen inkâwmhona neih a ni

Mizoram Police leh Mizoram State AIDS Control Society (MSACS) chuan nimin khan Aizawl SP conference hall-ah ruihhlo bànsan tawhte leh ruihhlo ngaite pualin inkawmhona, Interactive Session with People who Injected Drugs (PWID) an buatsaih a, DIG (CID) Lalhuliana Fanai-in a hmanpui.

Zirhonaah hian ruihhlo nghei tawhte'n ruihhlo laka an tâl chhuah dan leh ruihhlo an nghei theihna tura anmahni puitu nia an ngaihte an sawi.

Ruihhlo ngheina turin opioid substitution therapy (OST) a pawimawh thu te, ruihhlo bâwih aṭanga tâl chhuak turin kohhran belhin awmzia thui tak a neih thu te, hun âwl hnawhkhah nan khawtlang leh kohhran thil tih leh programme siama tel tam te, mahni insiam ṭhat nan mi dang ṭanpuina an mamawh dante an tarlang.

DIG Lalhuliana Fanai chuan, police hna chu dan leh thupek kenkawh bakah, khawtlang nun siamṭhat kawnga khawtlang hmalakna puih te, a thei anga thawhpuite a nih thu a sawi.