ZPM Zonu president tharah Awmpuii

ZPM Zonu Gen. Hqrs president atan R Lalawmpuii, AMC corporator ruat a ni a, nimin khan president kal chhuak C Sangzuali'n mawhphurhna a hlân.

Mawhphurhna hlanna inkhawm hi ZPM pisaah neih a ni a, ZPM general secretary (Frontal) Lalṭhazuala Rawite-in a kaihruai.

R Lalawmpuii chuan, ZPM Zonu president mawh­phurhna chu ama mimal finna mai chuan a tlin dawn lo tih sawiin, "Kan zavaia inlungrual taka kan thawh ka beisei. Hmun hrang hrangah hmeichhiate'n ram kan vei a, hmalakna a chak bawk chuan ramin hmasawnna a hmu ṭhin. Kan ramah sorkar thar a lo pian a, rethei zawkte'n lei rem kan rah theih nan te, hlemhlêtna a bo theih nan nu ho hian mahni tapchhak záwla thu mai mai loin ke kan pên chhuak mek a ni," a ti.