Kuhva leh truck pahnih a kâng; Police-ah FIR thehluh a la ni lo

Nimin zing dar 2 vel khan Rengdil leh Kawrthah inkarah kuhva rah phur truck (ke 12 nei) pahnih a kâng a, kuhva a kan ral vek bakah truck pawh a kâng chhe hneh hle.

Police aṭanga Vanglaini thu dawn danin, truck hi Assam leh Meghalaya registration a ni a, driver-te chu tlanbo nghalin, an khua an thleng tawh.

Kuhva neitute chuan FIR thehluh an tum lo a, he thu ziah lai hian truck neitute biak pawh tum mek a ni.

He thilah hian Kawr-thah police-te chuan FIR dawng lo mah se, truck kanna hmunah kalin thil awm dan an enfiah a; thil thleng avangin man an nei lo.

Kuhva rahte chu Meghalaya-a phurh thlak tur a ni a, tute hnena pek tur nge a nih tih erawh hriat chian theih a la ni lo.