Pawl leh mimalte'n thisen unit 264 pe

June 24, Inrinni khan pawl leh mimal eng emaw zatin Mizoram hmun hrang hrangah thisen unit 264 an pe.

YMA, Tuikhuahtlang Branch chuan YMA Day pualin Synod Hospital tan unit 57 an pe a, petute mipa 54 leh hmeichhia pathum an ni a; KṬP, Model Veng Branch-in an kohhran hall-ah Zoram Medical College tan unit 43 an pe a, petute mipa 35 leh hmeichhia pariat an ni.

SAY, Central South Division-in Aizawl Temple Corps-ah thisen pek huaihawtin, Civil Hospital, Aizawl tan mipa 38 leh hmeichhia pangain unit 43 an pe a; Aizawl Temple Corps aṭangin unit 18, Tuikual South Corps aṭangin unit 17, Khatla Corps aṭangin unit 5 leh Central Corps leh Ebenezer Corps aṭangin unit khat ve ve an pe.

Civil Hospital, Aizawl blood bank-ah City PYD (NEI)-in unit 42 pein, petute mipa 34 leh hmeichhia pariat an ni a; Faith Incorporation-in unit 19 an pek bakah, individual voluntary donor mi 10 an awm.

KṬP, Chhiahtlang Pastor Bial-in Serchhip District Hospital tan unit 35 pein, petute mipa 23 leh hmeichhia 12 an ni a; MTP, Thosai Branch member mipa 13 leh hmeichhia pahnihte'n Siaha District Hospital tan unit 15 an pe bawk.