Headmaster sawn vangin zirlaite'n sikul kài an tum lo

Lai Students Union (LSA), Blue Mountain High School, Sangau Branch chuan thuchhuah siamin, an headmaster K Denghmingliana chu hmun dangah sawn a nih avangin lungawi lohna lantir nan vawiin June 26 aṭangin sikul an kai dawn lo tih an tarlang.

Blue Mountain H/S LSA chuan, an headmaster K Denghmingliana chu an sikulah February 2023 aṭanga awm ṭan a ni a, hun rei a awm hmaa sawn chhuah leh nghal a ni chu pawi an tih thu leh zirlaite rilru a nat thu an tarlang a, "Blue Mountain H/S-a post ruak tam tak awm hnawhkhah a hneha a awm sa min sawn chhuahsak lui a nih chuan Blue Mountain H/S zirlaite'n June 26, 2023 aṭangin tiam chin awm loa class attend loin, sikul kawtah lungawi lohna kan kalpui dawn a ni," an ti.