Smart City Cyclothon buatsaih a ni

Aizawl Smart City Limited leh Mizoram Cycling Association chuan June 24, Inrinni khan Smart City Mission kum riat tlin lawm nan Cyclothon an buatsaih a, deputy chief minister Tawnluia'n Vanapa Hall kawtah a vailiam.

Cyclothon-ah mi ṭhahnem tak an tel a, Vanapa Hall aṭanga AMC pisa, Ṭhuampui thleng thirsakawrin an tlân a ni.

Tawnluia chuan, Smart City Mission-in a tum ber chu khawpui tihchangtlun leh tihchangkan a nih thu sawiin, "Covid hripuiin kum hnih chhung min ṭhut chilh avangin hmalaknate duh angin chak loin tiṭhuanawp deuh mah se, Aizawl khawpui thuam mawia tihchangkan nan tun dinhmunah project 40 chuang kalpui mek a ni," a ti.

Deputy CM chuan, Smart City hnuaia hmalaknate chu kum nga chhunga zawh tur a nih laiin, Covid-19 vangin kum khat dang pawhsei a ni a, nakkuma zawh hman tumin an kalpui mek thu leh, ṭhalaite hawi harhna tur leh khawvel zau zawk an thlirna tur project hrang hrang kalpui mek a nih thu a sawi bawk.