Manipur ráltlân 12,162 awm

Manipur tualchhung buaina avanga sahimna zawnga Zo hnahthlak Mizorama lut an awm belh zel a, nimin June 26 tlai dar 5 dinhmun angin mi 12,162 an awm.

Sorkar chhinchhiah danin, Manipur ráltlân awm mek mi 12,162 zinga 2,937 chu Mizorama relief camp 35-ah an awm a, mi 9,225 chu relief camp páwn lamah an awm thung.

Manipur ráltlân awm tamna ber district Kolasib-ah mi 4,345 an awm a, Aizawl district-ah mi 4,047 leh Saitual district-ah mi 2,940 an awm. Champhai district-ah mi 340, Mamit district-ah 144, Khawzawl district-ah 124, Lunglei district-ah 69, Serchhip district-ah 61, Lawngtlai district-ah 48, Siaha district-ah 30 leh Hnahthial district-ah mi 11 an awm bawk.