Compartmental exam result chhuak

Mizoram Board of School Education chuan nimin khan HSLC leh HSSLC (Com-partmental) Examination 2023 result a tichhuak a, zirlai exam zinga 27.58% an pass.

Compartmental exam hmachhawntu HSLC-ah zirlai 54 an awm a, zirlai 16 (29.63%) an pass. HSSLC-ah chuan arts stream-ah mi pakhat leh science stream-ah mi pathum, an vaiin zirlai pali an exam a, an fail vek thung. HSLC leh HSSLC compartmental exam hmachhawntu zirlai 58 zinga 16 an pass a, pass percentage 27.58% a ni.

MBSE hian compartment result rual hian Post Publication Scrutiny (PPS), Re-evaluation leh Compartment result chhuah hnua HSLC leh HSSLC 2023 result overall abstract a tichhuak nghal.

HSLC-ah zirlai exam hmachhawntu 18,102 aṭangin mi 12,897 an pass a, pass percentage 71.25% a ni. HSSLC-ah zirlai exam 14,091 zinga 11,088 (78.69%) an pass a; arts stream-ah 78.35%, science stream-ah 77.79% leh commerce stream-ah 86.5% an pass a ni.