VC/LC draft electoral roll tlangzarh

Nimin khan district hrang hranga village/local council by-election neih tura electoral roll hman tur ennawnna atan draft elec-toral roll-te tlangzarh a ni.

Electoral roll ennawnah hian July 11, 2023 thleng electoral roll aṭanga paih, thun thar, siamṭhat leh insawn duhte tan LLO/VLO hnenah dilna thehluh theih a ni a; final electoral roll chu July 18, 2023-ah tlangzarh a ni ang.

Aizawl DC Dr Lalhriatzuali Ralte-in DC conference hall-ah by-election neihna tur VC paruk leh LC pasarih draft electoral roll a tlangzarh. By-election neihna turte chu - Luangmual (hmeichhe pakhat), Salem Veng (seat pakhat), Hmunnghak (hmeichhe seat pakhat) bakah, veng/khua dang pangaah general seat pakhat ṭheuh a ni.

Champhai DC James Lalrinchhana, Kolasib bawrhsap John LT Sanga, Serchhip additional DC James Lalnithanga, Lawngtlai SDO (Sadar) Daniel Sailo leh Mamit bawrhsap VL Remliana ten an district ṭheuha VC by-election neihnaa hman tur draft electoral roll-te an tlangzarh bawk.