Tipa-ah sorkar pisa leh sikul kal turte dan an ni

Tipa Joint Action Committee chuan an khaw damdawi-in (primary health centre)-ah doctor dah thuai tura sorkar kar nan June 26, Thawhṭanni aṭang khan Tipa (Tuipang) khuaa sorkar pisa leh zirna-inte an dang a; nimin khan an dan chhunzawm bakah, vawiinah pawh dan leh an tum.

Tipa JAC hian an khaw damdawi-ina doctor dah thuai phûtin June 13, 2023 khan lungawi lohna an lo lantir tawh a; an hmalaknain awmzia a neih loh avangin June 24 khan an kal zel dan tur ngaihtuahin, June 26-28, 2023 chhung Tuipang khuaa sorkar pisa leh sikul zawng zawng khâr vek an rêl. An rorel angin June 26 aṭang khan sorkar pisa leh sikulte chu an dang ta a ni.

June 28, 2023 thlenga sorkar pisa leh sikul an danin awmzia a la nei lo a nih chuan Tipa JAC chuan June 30, Zirtawpni hian hma an lak zel dan tur an ngaihtuah dawn a ni.