Financial year 2022-23 chhungin MCAB-in Rs 39,65,68,760.36 a hlép

Mizoram Cooperative Apex Bank (MCAB) chuan nimin khan Vanpa Hall-ah Annual General Assembly vawi 28-na an hmang. Kum 2022-23 chhungin MCAB-in hlêp Rs 39,65,68,760.36 a neih thu tarlan a ni.

Inkhawmpui hi MCAB chairman T Lalmuanpuii'n a kaihruai a, MCAB mobile banking application a tlangzarh. Kum 2022-23 chhunga Annual Report, Annual Statement of Account leh Annual Target/Budget-te sawiho a nih hnuah an pawm. Kum 2023-24 atan deposit target cheng nuai 1,70,500 leh budget (income & expenditure) cheng nuai 21,176.21 an pawm bawk.

MCAB hian kum 2022-23 chhung khan Rs 1,50,93,49,652.02 an la lut a, Rs 1,11,27,80,891.66 an hmang thung a, Rs 39,65,68,760.36 an hlép. March 31, 2023 khan deposit cheng nuai 1,45,536.40 neiin, loan cheng nuai 1,09,727.07 an pe a, credit deposit ratio chu 75.39% niin, CRAR 25.19% a ni.

Inkhawmpuiah hian chawhnuah kum 2023-2028 chhunga Board of Directors tur an thlang a, chairman leh vice chairman bakah, board member pali an thlang.

Apex Bank hi July 31, 1982-ah din a ni a, branch 23 leh thawktu mi 166 an awm mek a ni.