Remna Ni 2023 puala buatsaih zrlaite intihsiak lawmman sem a ni

June 27, Thawhlehni zan khan Ignite Studio, Aizawlah Remna Ni puala buatsaih State Level High School Quiz Competition lawmman sem a ni a, School Education minister Lalchhandama Ralte-in a hmanpui. Vanlalchhanhimi leh Vanlalrova, Presbyterian English School, Khawzawl pakhatna an ni.

Quiz-ah hian district tin aṭangin district level H/S Quiz Competition-a pakhatna ṭheuh an tel a; higher secondary school zirlaite puala State Level Essay Writing Competition result puan nghal a ni bawk a, Lalchhanchhuahi, Central HSS, Aizawl pakhatna a ni.

School Education Minister chuan, Remna Ni chu Mizoram tan ni hriatreng tlak a nih thu sawiin, "Rambuai tia hriat hlawh chu khawvela pho chhuah tham remna tluan tling nei a lo ni ta a, remna ziah tawh zawng zawnga khawvela hlawhtling ber tih theih a ni. Remna ziah hnuah remna vanga lo hawte ramhnuai lama chhuak a, boruak han siam leh tum an awm lo a, Mizoram chu state ralmuang ber a lo ni ta," a ti.