Governor leh IIMC zirlaite inkâwm

Governor Dr Hari Babu Kambhampati chuan June 27, Thawhlehni khan Raj Bhavan-ah Indian Institute of Mass Communication (IIMC), North Eastern Regional Campus, Aizawla zirlaite leh zirtirtute a kâwm.

Hari Babu Kambhampati chuan, IIMC zirlaite chu Mizoram an hmuh dan te, Mizoramah khualzin tam zawk hîp theihna tura pawimawh nia an hriatte a zawt a; Mizoramah sorkar laipui scheme ṭha tak tak leh social security scheme tam tak mipui tam zawkin an la hriat loh thu sawiin, chumi chungchangah chuan an ngaihtuahna sêng turin a sáwm.

IIMC, North Eastern Regional Campus hi Mizoram University campus-ah August 8, 2011 aṭangin kalpui a ni a, Digital Media course zirlai 16 leh English Journalism course zirlai 16 an awm mek a ni.