Assembly session la nei leh dawn

Mizoram sorkar term kal mekah ṭum khat Assembly session neih a la ni dawn a; a hun tur erawh ruahman a la ni lo a, July thla velah neih a nih rin a ni.

8th Legislative Assembly-ah hian session ṭum 11 neih a ni tawh a, session neih hnuhnung ber chu February 7, 2023 khan ṭan niin, February 28, 2023-ah a ṭiak. Danah chuan session leh session inkarah thla ruk a tla tur a ni lo.

Assembly session hnuhnung ber aṭanga chhûtin July 2023 hian thla ruk a ral dawn a, hei vang hian July 2023 chhung hian session koh rin a ni. Session koh a nih leh chuan tun sorkar kum kal mekah session vawi 12 neih a ni ang.