Political Education buatsaih

Mizo Theological Asso-ciation (MTA) chuan nimin khan Mission Veng Kohhran Hall-ah Biennial Conference an hmang a, thupui 'Political Education' tih an zirho.

MTA Biennial Confe-rence-ah hian chawhmaah 'Political Education' tih thupui sawihona hun hman a ni a, MTA vice president Rev. Dr K Lallawmzuala'n a kaihhruai. MTA presi­dent Rev. Rosiamliana Tochhawng kaihhruaiin thupui sawiho a ni.

Chawhnuah Business Session hun hman niin, MTA President-in a kaihruai a; MTA advisor Commissioner Lalkiamlova kaihhruaiin MTA hruaitu thar thlanna leh hlanna hun hman a ni.

MTA hi Mizo zinga kohhran pawl hrang hranga Pathian thu zir chhuakte telna a ni a; an inkhawmpuiah hian MTA member-te bakah, kohhran pawl hrang hrang hnuaia Pathian thu zirna sikul/college aiawh te, Mizoram People Forum aiawhte leh college ṭhenkhat aiawhte an tel.