Thláma mitthi hmuh thattua puh inpuang

June 31, 2023 zanlai khan Aizawl leh Reiek inkar kawnga Dihmunzawla thlám pakhatah mipa pakhat thia hmuh a ni a, a thattu nia rinhlelh chu police-in an man a, a thah a nih thu police hmaah a sawi.

Ruang hmuh a nih thu hi police-te hriattir an nih hnuah mitthi chu Vanlallawma (55), Lunglei Rahsi Venga awm ṭhin, hun eng emaw chen awm tawh lo, address mumal dang nei lo a ni tih finfiah a ni. Forensic Science Laboratory-a mithiamte'n ruang an endik hnuah mi kut tuara thi a ni tih finfiah a nih avangin police-te'n tualthattu an chhui zui nghal.

Police-te chuan tualthattua puh mi pahnih - Lalroliana (43) leh Lalsiampuii (40)-te chu July 1, Inrinni chawhnu dar 1 vel khan tlanbo an tum laiin Seling bulah an man a, tlaiah Aizawl Police Station-ah phurh thlen an ni.

Police-in thu an zawhfiahnaah Lalroliana leh Lalsiampuiite chuan nupa an nih thu leh Vanlallawma te nen an inkawm ṭhin thu an sawi. An sawi dan chuan, Lalroliana hian a nupui laka a thîkthu vangin Vanlallawma chu tum reng vang ni loin a vaw hlum a ni.

Lalroliana leh Lalsiampuii te hi nimin khan court-ah hruai an ni a, court chuan police-in an dil angin darkar 48 chhung an kawl zui a phalsak a ni.