Dan phal loh thil man a ni

Central YMA-in ruihhlo do tura a din Central Anti Drugs Squad (CADS) leh Aizawla YMA branch ṭhenkhat chuan June 30, Zirtawpni khan Seling dáiah Champhai aṭanga lirthei kalte an endik a, dan phal loh thil eng emaw zat an man.

CADS-te'n an sàwm angin lirthei endiknaah hian Luangmual, Model Veng leh Bethlehem Vengthlang branch YMA member eng emaw zat an thawk chhuak a, lirthei an endiknaah hian sava tawlh rûk tur pariat, heroin hawng 39 leh kuhva rah ip 70 an man a ni. An thil mante chu sorkar thuneitute hnenah an hlan.