Sangauah sikul leh pisa khâr dawn

Blue Mountain High School, Sangaua headmaster sawnna thupek sût leh zirtirtu dah belh phût vangin Lai Students' Association (LSA) Sub-Headquarters, Sangau chuan vawiin hian Sangau khuaa zirna-in leh sorkar pisa zawng zawng khâr an tum.

Blue Mountain H/S, Sangaua zirtirtu chungchanga harsatna an tawh kaihhnawihah hian kar kal ta chhung khan Blue Mountain H/S-a zirtirtu sikul kai turte dan an lo ni tawh a; sorkar aṭanga thu lawmawm an dawn loh avangin hmalak zui zel dan tur an rêl a ni.

Sangau LSA chuan vawiin hian Sangau khaw chhunga zirna-in leh sorkar pisa zawng zawng kal thei loa dan an tum a; naktuk Thawhlehniah pawh dan chhunzawm an tum bakah, kawngzawh huaihawt an tum bawk. Chumi chhunga thu an ngen leh phûtte tihhlawhtlin a nih loh chuan an kal zel dan tur an rêl leh ang.

LSA, Sangau chuan, an hmalaknate chu thláwp turin an khuaa pawl hrang hrangte leh mipui an sáwm a ni.