Kawng siam hna thawh mek enfiah

Champhai South bialtu MLA TJ Lalnuntluanga, minister of state chuan July 1, Inrinni khan national highway (NH)-06, Dulte leh Champhai inkar kawngpui package-III, Shri Balaji Construction Company (SBCC) in an siam mek chu company lamin an sawm angin a hmunah a enfiah.

TJ Lalnuntluanga chuan, hna thawktu company-te chu Champhai mipuite'n an nghahhlelh em em NH-06 kawngpui siam hna zawh fel thuai a nih theih nana chak taka thawk tur leh hna tlo leh ṭha, ram tana rotling tak hnutchhiah tum turin a hrilh a, "Environment chhe thei tur lakah fimkhur ang che u," a ti.

SBCC-te hian NH-06 (Dulte - Champhai) huamchhung Package-III, Khawzawl leh Champhai inkar km. 26.78 a thui, cheng vbc. 370.43 senna tur siam hna an thawk mek a ni.