CM Relief Fund

Nimin khan chief minister Zo­ramthanga chuan Covid-19 dona atan Chief Minister's Relief Fund-ah September hlawh basic pay aṭangin 60% (Rs. 48,000) a thawh. Mizoram Secretariat Service Association (MSSA) pawhin an member-te'n Covid-19 dona atana July thla hlawh 5% ṭheuh an thawh khawm Rs. 9,60,482 chu nimin khan Chief Minister’s Relief Fund-ah an chhûng a, chief minister Zoramthanga hnenah an hlàn. MSSA hian CMRF-ah Rs. 21,10,482 an thawh tawh a ni. CMRF-ah hian nimin thleng khan cheng vbc. 21.48 a lut tawh a, vbc. 19.50 hman tawh niin, hman loh vbc. 1.98 a la awm.