END-in kuminah rakzu lt. 43,855, sapzu ûm 11,323 an man tawh

Excise & Narcotics department (END) chuan kumin 2023 chhungin rakzu litre 43,855 leh sapzu ûm 11,323 an man tawh a, heroin kg. 36.432 an man tawh bawk.

The Mizoram Liquor (Prohibition) Act, 2019 hmangin Mizoramah zu khap mek ni mah se, END chuan kuminah rakzu litre 43,855 an man tawh a, chawhrualin ni tin zu litre 242.29 an man ang a ni a, darkar tin rakzu litre 10.10 an man ang a ni.

END hian kumin chhungin sapzu (Indian made foreign liquor) úm 11,323 an man tawh a, chawlhrualin ni tin ûm 62.56 an man ang a ni. Sapzu an mante chu mililitre (ml) 750 úm 9,358, ml. 375 úm 1,130 leh ml. 180 úm 835 a ni. Myanmar zu (BEDC) litre 1,473 leh beer úm 76 leh can 18,500 an man tawh bawk.

Excise & Narcotics hian July 2, Pathianni zan dar 10:30 khan Bawngkawnah heroin kg. 4 leh gram 85 (hawng 362) leh a neitua puh - Abu Saleh Mohammad Saiyd Uddin (25), Defolala, Karimganj leh Samir Akhtar Laskar (30 Gabindapur, Cachar, Assam nia inchhálte an man a; heroin an phurhna lirthei (pick-up) AS-11 EC-5379 an hrêng bawk a; NDPS Act tlawhchhanin thubuai ziah luh a ni.

END-IN 2023-A AN MANTE

Ruihhlo Man zat

Rakzu litre 43,855

IMFL (750 ml) úm 9,358

IMFL (375 ml) úm 1,130

IMFL (180 ml) úm 835

Beer (650 ml) úm 76

Beer (500 ml) can 18,500

BEDC litre 1,473

Heroin kg. 36.432

Ganja kg. 70.024

Cough syrup phial 2,565

Alprazolam mûm 4,389

Nitrazepam mûm 366

Tramadol mûm 547