Hnam Lungphun phun tum

Zoram Thar - Zofate Lairêlna hruaitute chuan nimin khan Aizawl Press Club-ah thuthar thehdarhtute an kâwm a; March 26-28, 2021 chhungin Thenzawla an hmunah Hnam Lungphun an phun dawn thu an sawi.

Zoram Thar hruaitu Rev. Dr Zaichhawna Hlawndo chuan, March 26-28, 2021 khian Pathian biak-inpui hmun, Thenzawlah khawvel pum huam 'Zofate Haw Rûnpui leh Hnam Inkhawmpui Thianghlim' an buatsaih dawn thu a sawi a, "He haw rûnpuiah hian Hnam Lungphun phun tur a ni ang. Lungphun hi  khawvel puma Zova thlah - Zo fate chu thlah khat (one ancestor) hnam khat (one nation) leh unau vek kan ni tih puanna, nemnghehna leh hriat­tirna tur a ni ang," a ti.

Rev. Dr Zaichhawna sawi danin, Hnam Lungphun chu ft. 70-a sang a ni dawn a, a chhipah kraws a awm dawn a ni.