Manipur raltlante ṭanpuina hlan

Mizo National Youth Front (MNYF) Head­quarters hruaitute chuan nimin khan Manipur aṭanga Mizorama ráltlân, Tuirial Airfield Venga awmte an tlawh a, ṭanpuina an hlân.

Tuirial Airfield Veng­ah hian raltlan mi 115 vel an awm a, an zingah naupang 60 vel an tel.

MNYF vice president Zodinpuia chuan, Manipur mamawh hmasa chu remna a nih thu sawiin, remna leh muanna a awm theihna tura sorkar laipui leh Manipur sorkar hmalakna an duhkhawp lo hle tih a sawi a; Manipur-a Zo hnahthlakte tan MNF an din reng thu sawiin, "Manipur tualchhung buaina vanga kan unaute rûm rî hian Zo fate rorelna pakhat hnuaia kan awm hun tur min nghahhlelh zualtir hle a ni," a ti.