Bukpui PHC sak thar hawn a ni

Health & Family Welfare minister Dr R Lalthangliana chuan nimin khan Bukpui damdawi-in (Primary Health Centre) sak thar a hawng a; Covid-19 avangin Mizoram sorkar budget pawn lam aṭangin cheng nuai 20,000 chuang hman a nih thu a sawi.

HFW Minister chuan, Covid hripui lèn chhunga khawpui leh thingtlanga chengte inkarah hmang­aihna, lainatna leh duhsakna lang chhuak ropui a tih thu a sawi a, "Finance department hotute'n Covid vangin Mizoram sorkarin budget páwn lam aṭangin cheng nuai 20,000 chuang a hmang tih min hrilh," a ti.

Dr R Lalthangliana chuan, Mizoram chu ziak leh chhiar thiam tamna ram a ni chungin thiamna bik neih ngai hrang hrangah a la hnufual thu sawiin, "Zoram Medical College-a thawk tur ram leilung fa an tlem hi rualawh a na ṭhin," a ti al; Zemabawka Cancer Superspeciality Hospital-ah ram leilung fa ngei an thawh theih nan tun aṭangin ṭhalaite'n ṭan an lak a ngaih thu a sawi.

Bûkpui PHC hi NABARD RIBF-26 hnuaia hmuh Rs 2,67,00,400 hmanga sak a ni a, January 6, 2022-ah sak ṭan niin, July 6, 2023-ah sak zawh a ni.