Assembly hna lak dan sawifiah phût

ZPM Ṭhalai chuan thuchhuah siamin, Legislative Assembly Secretariat-a thawk tur translator, assistant, UDC leh LDC laknaah thil fel tâwk lo a awm ngei nia a lan thu an tarlang a, thil awmzia sawifiah thuai turin Assembly speaker Lalrinliana Sailo an phût.

MNF sorkar hnuaiah hleih nei taka rorel a ni ṭhin chu pawi an tih thu sawiin ZPM Ṭhalai chuan, "Hna lak felfai lo vanga beiseina nei ṭhalai rilru thianghlim tak takte rilru na taka an awm hi pawi kan ti a, he thil hi a chìn chhuaka chhui tur leh a mawhphurtute chunga hremna na tak lek turin MNF sorkar kan phût," an ti.

ZPM ṭhalaite chuan, "Tun ṭuma Assembly Secretariat hnuaia hna hrang hrang lak danah MNF sorkar chu mipui huapzo sorkar a nih lohzia chiang takin a lang. Thil awmzia sawifiah thuai turin Assembly speaker Pu Lalrinliana Sailo kan phût a ni," an ti a; sorkar hna lakah a thiam zawkte aia sorkara thil ti thei zawkte thlan an ni ṭhin chu an ngaimawh thu an tarlang bawk.