Manipur ráltlân pualin hun hmang

Sorkarin a din Covid-19 Psychological & Social Guidance Committee chuan nimin khan Central YMA Hall-a Manipur râltlân transit camp-ah Manipur buaina vanga sahimna zawnga rawn ráltlânte tan rilru lama harsatna sutkian a nih theih nan leh an khawsak zelna tura rilru lam buatsaihna hun an buatsaih.

Committee convener Prof. Zokaitluangi leh member eng emaw zatin hun an hmang a; CYMA aṭangin assistant secretary Prof. Malsawmliana hoin an lo dawngsawng. Committee hian Manipur ráltlante awm khawmna hmun hrang hrang tlawh kual zel an tum a ni.

Sorkar chhinchhiah danin, nimin tlai dar 5 khan Mizoramah Manipur raltlan mi 12,280 an awm a, chu'ng zinga mi 2,896 chu relief camp 36-ah awmin, mi 9,384 chu hmun dangah an awm a ni.