Governor leh DGP an inkâwm

Governor Dr Hari Babu Kambhampati leh Mizoram director general of police (DGP) thar Anil Shukla chu nimin khan Raj Bhavan-ah an inkâwm.

Dr Hari Babu Kam-bhampati chuan, Mizoram Police tana hmasawnna bung thar siam belh turin DGP thar duhsakna a hlan a; Mizoram Police-te'n hna an thawk ṭhaa a hriat thu sawiin, "Kawng ṭhenkhatah hmasawnna tur a la awm," a ti a; a thiamna leh theihnate a hna thar atan hmang ṭangkai turin a chah.

DGP Anil Shukla chuan, Mizoram Police hnathawhte leh hlawh-tlinnate a bihchiang tawh tih sawiin, "Mizoram hi state ralmuang ber a nih chhun­zawm zelna turin Mizoram Police-te'n theihtawp kan chhuah zel dawn a, dan leh thupek kenkawh kawngah a hma aia nasain ṭan lâk kan tum," a ti. Mizoram Police hmasawnna tur nia a hriatte Larsap a hrilh bawk.