MHIP Day lawm a ni dawn

Vawiin July 6 hi MHIP Day a ni a, Mizoram hmun hrang hrangah MHIP branch-te'n an lawm dawn. MHIP Day pual hian MHIP Gen.Hqrs chuan Zo hnahthlak unau ráltlân Mizoram hmun hrang hranga awmte tan ṭanpuina pawisa leh bungrua an pe a ni.

MHIP General Headquarters hruaitute chuan hmun hrang hrangah MHIP Day an hmanpui dawn a; president Ngurmawii Sailo-in Tachhip, Khatla, Dawrpui leh Bawngkawn South branch-te a hmanpui dawn. General secretary Lalliani'n Khatla leh Tachhip branch a hmanpui dawn a; assistant secretary F lalramliani'mn Upper Republic branch, treasurer K Lalliantluangi'n Thanglailung branch, finance secretary PC Chuaudingliani'n Sailam branch an hmanpui dawn a ni. Office bearer dangte chuan an awmna branch-ah an hmang dawn a ni.

MHIP-ah hian member 2,80,000 vel an awm mek a; sub-headquarters 10, block 26, joint 19 leh branch 758 an nei mek a ni.