Khawzawlah Free Health Clinic buatsaih

Health & Family Welfare minister Dr R Lalthangliana chuan nimin khan Khawzawl Hospital-ah Remna Ni puala buatsaih Health Clinic a hawng a, "Khawzawl damdawi-in hi District Hospital nihna dik tak anga kaltir vat kan tum," a ti. Tlaiah a khârna hun deputy chief minister Tawnluia'n a hmanpui thung.

Health Clinic-ah hian Hospital & Medical Education joint director Dr Lalthlengliani hoin Champhai District Hospital leh State Refferal Hospital-a doctor 13 leh thawktu dangte'n harsatna neite an enfiah a, mi 675 an inentir a ni.

Nimin tlaia Health Clinic khàrna inkhawm chu bialtu MLA Tawnluia'n a hmanpui a, Khawzawl Hospital-a damlo awm mek mi 10-te Rs 500 ṭheuha a kan a ni.