KHAWTHLIR
Damdawi-in tlawh
Health minister Dr R Lalthangliana chuan tun hnai khan damdawi-in pathum - Khawhai PHC, Sialhawk PHC leh Biate PHC-te a tlawh a, damdawi-in mamawh leh harsatnate sawipuiin, tihhlawhtlin dan tur a sawipui. Minister hian damdawi-in pathumah hian Hospital Poor Fund-ah Rs 5,000 ṭheuh a hlan a ni.
Hnathawh enfiah
Lengteng bialtu MLA Dr L Thangmawia chuan nimin khan a bial chhung Ngopa khuaa Solar Water Pump siam hna thawh mek a enfiah a, hna thawktute chu ro tling leh rintlaka hna thawk turin a chah. Hna thawktute chuan thawh tur aṭangin 95% an zawh tawh thu leh July 2023 chhungin zawh hman an inbeisei thu an sawi. Solar Water Pump siamna atan Jal Jeevan Mission hnuaiah cheng nuai 1,074.90 hmuh a ni.
Mobile van hawng
Serchhip DC Nazuk Kumar chuan nimin khan MLA inthlanpui awm tura inbuatsaihna atan DC Complex-ah electronic voting machine leh voter verifiable paper audit trial dahna in chu endik turin a hawng. EVM hmanga vote thlak chhinna EVM Demonstration Centre leh EVM khawl dahna phurh kual theih - Mobile Demonstration Van a hawng bawk. Centre hi North Vanlaiphai leh Thenzawlah pawh siam a ni dawn a; van hi inthlan hmain district chhunga polling station zawng zawng fan chhuahpui hman tura ruahman a ni.
MSU-in lawmpui
Mizo Students’ Union Gen. Hqrs chuan thuchhuah siamin, Mizoram University-in under graduate result a tichhuak chu lawmawm an tih thu an tarlang a; zirlai hlawhtlingte an lawmpui thu leh, hlawhtling zo lote beidawng loa ṭan la thar tura an duh thu an tarlang bawk.
Jail-ah tanpuina pe
MHIP, Zotlang Branch, Aizawl chuan nimin khan MHIP Day pualin Women Central Jail an tlawh a; Rs 20,000, ei tur, thawmhnaw leh diaper eng emaw zat an hlan.