Ramhlun South LC ṭhiah a ni

Aizawl Municipal Corporation (AMC) chuan Ramhlun South Local Council a ṭhiat a, LC seal leh document pawimawhte chu July 11, 2023 ral hmaa AMC-a thehlut turin a hriattir.

AMC-in July 7, 2023-a hriattirna a chhuaha a lan danin, Ramhlun South LC member pakhatin a awmna party a chhuahsan avangin sorkarna siam thei party an awm lo tih LC Secretary hnen aṭangin an dawng a; thil awm dan an chhui chian hnuah LC Secretary thu thlen chu a dik a ni tih an finfiah.

The Mizoram Municipalities (Ward Committee and Local Council) Rules, 2010-a Rule 24(1) tlawhchhanin AMC chuan Ramhlun South LC chu July 7, 2023 khan a ṭhiat ta a ni.