Hmun pahnihah heroin man

Excise & Narcotics department (END) chuan July 8, Inrinni zing dar 1:30 vel khan Selesihah heroin kg. 2 leh gram 635 (hawng 230) an man a; a neitua puh mi pasarih - hnam dang, Assam mi paruk leh Mizo pakhat, Champhai district-a Vapar khaw mite leh heroin phurhna lirthei, Bolero Camper MZ-01 R-7137 an man tel.

END leh Central YMA hnuaia CADS member-te ṭangho chuan July 7, 2023 zan dar 6:35 khan Bawngkawn Thlanmual Vengah heroin gram 56 (hawng 5) leh a neitua puh mi pahnih - Lalremruati (26) d/o Lalnunnema leh Chiansianzamang (54) s/o Thangsanlian, Bawngkawn ve ve nia inchhálte an man bawk.

Heroin vanga mante lakah hian The Narcotics Drugs & Psychotropic Substances Act, 1985 tlawhchhanin thubuai ziah luh a ni.