AR-in kuhva rah leh ruihhlo man

Assam Rifles sipaite chuan July 8, Inrinni khan Zokhawthar leh Melbûk inkarah ram dang aṭanga lâk luh kuhva rah ip 1,012 an man a, Rs 1,06,26,000 hû a tling.

July 7, 2023 khan AR sipaite chuan Zokhawtharah ram dang aṭanga lak luh zu ûm 115, beer ûm 43 leh meizial case 18 leh carton 25 an man a; a vaiin Rs 24,53,450 hû a ni. Kuhva rah, zu, beer leh meizial an mante chu Champhaia Customs department hnenah an hlan.

Assam Rifles-te hian Lawngtlai police-te leh Central YLA-te nen ṭang-hoin July 7 vêk khan mi pahnih hnen aṭangin opium kg. 2.91 an man a, Rs 1,75,000 hû a ni. Opium leh a kawl-tute chu Lawngtlai Police Station-ah kawl zui a ni.