Geology & Mining-in 2022-23 chhungin sorkarah Rs 12,23,97,489 an chhûng lut

State Geological Programming Board chu July 7, 2023 khan Commerce & Industries secretary R Lalramnghaka kaihhruaiin GAD conference hall-ah an ṭhukhawm a, Geology & Mining-in sorkar kum liam ta 2022-23 chhungin sorkarah Rs 12,23,97,489 an chhûng lut tih tarlan a ni.

Ṭhutkhawma tarlan danin, sorkar kum 2022-23 chhung khan Directorate of Geology & Mining chuan sorkar sum báwmah minor mineral (lung, balu) aṭangin non-tax revenue Rs 10,89,67,804 an chhûng lut a, Petroleum Exploration Licence (PEL) fee aṭangin Rs 1,30,55,485 leh laboratory testing fee aṭangin Rs 3,74,200 an chhûng lut bawk a; a vaiin Rs 12,23,97,489 a ni.

Directorate of Geology & Mining-ah hian thawktu post 86 a awm a, a ngheta thawk mi 48 an awm mek. Kum 2022-23 chhung khan Mizoram sorkarin chhim lam district pali enkawltu tur Lunglei Zonal Office din phalna a pe a, post thar 13 siam belh niin, post ruak hnawhkhah leh ṭul dangte buaipui mek a nih thu tarlan a ni bawk.

Ṭhutkhawmah hian Geology & Mining hmalak tawhna leh hmachhawpte an sawiho a ni.