Excise-in 2023 thla ruk chhungin Rs 16,85,74,842 hû ruihhlo man

Excise & Narcotics minister Lalrinawma kaihhruaiin nimin khan a pisaah Excise & Narcotics department (END) hotute'n January-June, 2023 chhunga an hmalakna leh hnathawh an thlir lêt. Kum chanve chhungin zu leh ruihhlo dang Rs 16,85,74,842 (nuai 1,685.74) hù an man tih tarlan a ni.

Excise & Narcotics Minister chuan, ruihhlo do chu mi tinin an mawhphurhnaa an ngaih a ṭul thu a sawi a; ruihhlo donaa hma latu END, police leh YMA-te hmalaknate lawmawm a tih thu sawiin, ṭawiawm zel turin mipui a sáwm.

Ṭhutkhawmah hian Khawzawl, Saitual leh Hnahthial district-a END office hawn chungchang te, END sub-inspector lak belh leh mamawh hrang hrang neih belh turte sawiho a ni.

Meeting-a tarlan danin, kumin January-June chhungin END-in zu leh a kaihhnawh hrang hrang Rs 6,48 72,116 hù an man a, ruihhlo dang Rs 10,37,02,726 hù an man bawk a; an thil man zawng zawng chu Rs 16,85,74,842 hù a ni.