ASF vanga Mizorama vawk thi leh suat 70,762 a tling

Kumin 2023-ah district pali - Aizawl, Champhai, Kolasib leh Mamit district-ah vawk pùl hri, African Swine Fever (ASF) a lêng tih finfiah a ni tawh a, vawk 199 a thi tawh. Kum 2021-2023 chhunga ASF kaihhnawiha vawk thi leh suat zawng zawng 70,762 a tling.

AH&Vety department chhinchhiah danin, nimin thleng khan district palia khua/veng 16-ah ASF vangin vawk 199 a thi tawh a, vawk 193 suat a ni tawh. ASF vanga vawk thi zawng zawng (thi leh suat) chu 392 a ni.

Mizoramah March 2021 khan Lunglei district-a Lungsen khuaah ASF a léng ṭan a; kum 2021 chhungin ASF vangin vawk 33,417 a thih bakah, vawk suat 12,568 a ni a, kum 2022 chhungin vawk 12,791 a thih bakah, vawk 11,594 suat a ni.

African Swine Fever vanga kum 2021-2023 chhunga Mizorama vawk thi zawng zawng chu 46,407 a tling tawh a, vawk 24,355 suat a ni tawh bawk. ASF kaihhnawiha vawk thi/suat zawng zawng chu 70,762 a ni.