Assembly RR siamṭhat phût

Mizo Zirlai Pawl leh Mizo Students' Union chuan thuchhuah inṭâwm siamin, zirlaite'n hma an lak hnua Mizoram Legislative Assembly Secretariat-a thawk tur mi eng emaw zat lak tawhna sût a ni chu lawmawm an tih thu leh, Assembly Secretariat Recruitment Rules siamṭhat an phût thu an tarlang.

MZP leh MSU chuan, "Zirlai lehkhathiam tling leh tlakte'n an thiamna phû tâwk an hmuh theih nan leh dik leh felfai taka hna lak a nih theih nan Assembly Secretariat chhunga hna lak reng reng Recruitment Rules, 1995 siamṭhat a nih hma chu hna lak awm tawh lo tur leh Recruitment Rules hi a rang lama siamṭha turin kan phût a ni," an ti.