Lungleiah rûkrûk a hluar
Lunglei additional SP Beihmotaosa chuan nimin khan a pisaah Lungleia thuthar thehdarhtute a kâwm a; Lungleia rûkrûk hluar chungchang sawiin, Pathiannia inkhawm laiin rûkrù an chêt ṭhin avangin fimkhur zual a ngaih thu a sawi.
Beihmotaosa chuan, tun hnaiah Lungleiah rûkrûk a hluar tih sawiin, "Rûkrûk laka mi tin kan him theih nan CCTV dah uar te, kawngkapui kalhna ṭha tak neih te, tukverh leh ventilation-ah bar (thîr) vuah vek ni thei se. Kohhran, pawl leh mimalte'n pawisa tam tham tak ina kawl loh a him a, Pathiannia inkhawm laiin rûkrù an chêt ṭhin avangin fimkhur zual a ngai," a ti.
Thil rutu leh thil rûk leitu chu inang renga hrem theih an ni tih sawiin, thil rûk ni ngeia rinhlelh chu lei lo turin Lunglei Additional SP chuan mipui a ngen a ni.