LMC councillor-te ATI-ah inzir mek

Administrative Training Institute (ATI) chuan Lunglei Municipal Council (LMC) councillor-te tan nimin aṭang khan Capacity Building & Training an buatsaih. Training hi July 14, 2023 thleng neih tur niin, LMC councillor pakua an tel a, ATI hmunah an riah chilh a ni.

Training hi ATI director Maria CT Zuali'n a hawng a, councillor-te hriat tur thil pawimawhte a sawi bakah, fuihna thu a sawi. ATI joint director Lalremruata Ralte leh core faculty Golda Dell Zohmangaihi te course coordinator an ni.

Training-ah hian sorkar inrêlbàwl dan te, sorkar scheme hrang hrang te, municipal dan chungchang te, personality development leh leadership training chungchangte an zir dawn bakah, co-curricular leh extra-curricular thilte tihpui an ni ang.