END-in hmun hnihah heroin an man

Excise & Narcotics department (END) chuan nimin zing dar 1:50 khan Keifangah heroin gram 826 (hawng 70) leh a neitu nia puh mi pali - Zosangliani (29), Keifang, Khaineihthang (23), Ngaizawl, Pausianmuang (38), Champhai Bethel Veng leh Langkhanchin (42), Ngaizawl nia inchhálte an man.

Heroin-te chu Mizoram páwna hralh tur a ni a, la chhâwngtu tur mi pathum - Ajijur Rohman (22), Ajib Uddin (27) leh Parbez Hussain (21), Sonabari Ghat, Silchar, Assam vekte pawh nimin zing dar 6:20 khan Bawngkawnah an man leh a; heroin phurhna atana hman Maruti Alto car MZ-04 A-7304 leh truck MZ-01 P-9999 an man bawk.

END hian July 10, Thawhṭanni zan dar 10:15 pawh khan Bawngkawnah heroin gram 22 (hawng 2) leh a neitua puh Lalrinchhana (29), Champhai Electric Veng nia inchhál an lo man tawh a ni.

Heroin vanga mante lakah Narcotics Drugs & Psychotropic Substances Act, 1985 tlawhchhanin thubuai ziah luh a ni a, nimin khan court-ah hruai nghal an ni.