Thlai, thei leh sa man sawiho

Lunglei District Committee on Fixation of Price of Meat, Vegetables & Fruits chu an chiarman Ramdinliani, bawrhsap hoin nimin khan DC conference hall-ah an ṭhukhawm a; Lunglei district-a thlai, thei, leh sa mante mumal zawka bithliah dan tur an ngaihtuah.

The Mizoram Market Regulation and Facilitation Act, 2022 zirho a ni a; Agricul-ture, AH&Vety, Fisheries leh Horticulture department-te chu an department chhunga tharte man zir chiang a, chawlhkar hnih chhunga report thehlut tura tih an ni.

Sawihonaah hian sorkar hotute bakah, Lunglei District VC Association, Lunglei District Consumer Association, Lunglei MJA, Southern Market Association, Lunglei District Merchant Association leh Lunglei District Butcher Association aiawhte an tel.