MNF-in tihmâk-mawhah an ngai

MNF party chuan thuchhuah siamin, Manipur-a Zo hnahthlakte chunga Meitei ho chêt dan avangin Zo hnahthlakte thlavâng hauh chu Zo fa zawng zawng tihmâkmawha an ngaih thu an tarlang.

MNF chuan, Meitei hoin râwng taka Zo hnahthlak pawisawi lote nen lam chunga an chêtna demna leh Zo fate tawrhna ṭâwmpuina tura ZORO hmalakna fakawm an tih thu an tarlang a, "Hei hian Zo fate kan inunauna kawngah nasa lehzualin min phuar khawm phah MNF chuan a ring tlat a, huaisen taka kan unaute thlavâng hauh hi Zo fa kil tina mite'n kan tih tur, kan tihmâkmawhah a ngai a ni," an ti.

Manipur-a Zo hnahthlakte chhawm-dâwlna leh puih an ngaihnaa Chief Minister, minister-te leh MLA-te hmalakna chhuanawm an tih thu MNF chuan an tarlang a; harsatna chinfel a nih thuai theih nana theihtawp chhuah turin Mizoram mipui an ngen bawk.